صرخة وجع

صرخة وجع                                              •الحب شي كتير كبير الو معاني كبيرة ومميزة كل حدا ما بيكتشف هاد الشي ليدق قلبو اول دقة حب حقيقي ...الله بيجمع كل تنين خلقوا لبعض ...كل تنين عملوا شي كرمال بعض ...كل تنين قدموا شي لسعادة التاني.
جوليانا: حكيلي اكتر ما فهمت؟
شام: تعي نأعد بالجنينة ونحكي..
جوليانا: طيب ...يلا حكيلي.
شام: فيكي تقولي قصة مو عادية قصة حب كتير كبيرة خلقت بيني وبينو.
جوليانا: مين هاد ؟شو اسمو؟ مين هو ؟
 شام: هاد نبض قلبي من جوا ...بتعرفي كيف طرفة بتوصف دنيا بصمصوم قلبا هاد لي عم تسألي عنو صمصوم صمصومو لقلبي صحيح في شغلات بتدايقني في بس مستعدة قضي معو عمري كلو بس يرجع..
جوليانا: ليش هو وينو ؟ مات؟؟!
شام: بعيد الشر شو يموت والله اذا بموت بموت وراه.
جوليانا: لكان وينو؟؟
شام: تركني...مفكر انو أنا خنتو بس انا بحبو من نص قلبي كيف بدي خون روح روحي وشريك عمري يلي بحبو كتير لك كيف بدي خونووو.
جوليانا: روقي حبيبتي...كل هالقد بتحبي؟
شام: واكتر يا جوجو واكتر ...لو بحكيلك من هون لبوكرا الصبح ما بتصدقي اديه.
جوليانا: طيب حكيلي عنكون حابة اعرف..
شام: قلي انو بحبني وانا عنجد حبيتو وكنت كتير مبسوطة معو عشت 7 شهور من أحلى ايام حياتي آخر شي كرمال مشكلة صغيرة يصير هيك .
جوليانا: نسي ...لازم تنسي...احسنلك...ما بيستاهلك ما بيستاهل حبك الكبير اذا مانو متأكد من حبك الو ..خلص نسي.
شام: شوووووو؟؟؟؟؟؟ انساا؟!!! انا بدك ياني انسا...لك انا بحبووو بحبوووو ليش مابدك تفهمي اني انا بحبو لك بحبو اكتر من أي شي بالدنية اكتر من حب عنترة لعبلة يلي موجود حبو إلا بكتاب صف التاسع بالمدرسة...كل الطلاب بتكره المدرسة بس انا بحبا لانو بالمدرسة تعرفت عليه تعرفت على اكتر انسان حلو بالكون على اكتر انسان حسيت تجاهو بالحب الحقيقي..
جوليانا: شو يلي بدايقك في؟
شام: لي بدايقني في بحبو.
جوليانا: كيف يعني؟
شام: يعني الشي اللي مو حلو في هو وشخصيتو بحببوني في ...بس مزاجيتو فظيعة...كان أحياناً ما كتير يهتم فيني...ماعم اقدر أنسا ولا ممكن اقدر بتعرفي مرة رافقت لانسا.
جوليانا: رافقتي ؟؟!😶
شام: اي😢 كرمال انسا ما كنت بعرف انو العكس تمام لما عملت هيك تذكرت كلشي الي معو ..معو قلبي وروحي وعقلي ..هدول كلون معو ..هدول ما بقدر عيش بلاهون مع حدا غيرو ومابدي عيش غير معو ..ولا مرة بحياتي توقعت حب حد لهالدرجة...بحبو بحبو بحبو كتير كتير يا الله ياريت يرجعلي ونكفي عمرنا سوا ياريت.
جوليانا: بس عحسب ما قالولي ما بحبك!!
شام: غلطانين كتير ..ازا تصرفاتو مخبية حبو بس عيونو ما بتعرف تخبي..عيونو بتحكي كتير ...بحبني كتير..
جوليانا: شو اكتر شي حبيتي بتصرفاتو؟
شام: كيف كان يغار عليي ويحبني من جوات قلبو وكتير وبعرف هاد الشي كان كتير باين بعيونو وبقلبو..بكره لما نترك بكره كتير...آدم املي هو لي بحلم كفي عمري معو..
جوليانا: اسمو آدم 😍
شام: اي آدم..آدم نبض القلب والروح ..عندي أمل انو رح يرجع ...بتمنى كفي حياتي كلا معو ..كل ما نروح مشوار كان يقلي بحبك شام ..وبالمدرسة كان يقلي ياها.
جوليانا: طيب يلا حبيبتي انا صار لازم روح بشوفك.
شام: يلا باي بشوفك.

وراحوا كل وحدة عبيتا وشام أعدت عتختا وبكيت بكيت لغفيت...تاني يوم الصبح بتفيق ومخدتا كلا دموع نايمة وغرقانة ببحر دموع ...فجأة برن موبايلا..بترفع راسا وبتفتح عيونا بأوسع ما بتقدر وبتصفن وبعدين بترجع للواقع وبتمسح عيونا وبترد عموبايلا وبتسمع أحلى صوت بالدنية ..أي آدم...وأخيراً آدم حن قلبو ع شام...

شام: الو!!
آدم: الو ..كيفك شام؟
شام: اهلين آدم ..تمام.
آدم: انا عم استناكي بعد ربع ساعة بالجنينة لي كنتي فيا مبارح. شام: عم تراقبني؟؟!
آدم: عم استناكي مو وقت هالحكي هلق..
وفصل الخط..
شام هون كانت بحالة صدمة كبيرة كتير مو عرفانة شو تعمل قررت تكسر كبريائها وتقوم تلبس أحلى شي عندا وتروح عالموعد ...طلعت من البيت بشعرا الأسود وبعيونا الحلوين بنضاراتا لي بخلوها أحلى وبفستانا الزهر يلي تركتو لتلبسو بيوم مهم ...اجا هاد اليوم...وصلت عالجنينة وهي متحمسة لتعرف شو بدو...وضلت تدور عليه ما كانت تلاقي ...بكل الجنينة ما الو أثر ...فجأة بتسمع غنية زعلي طول انا واياك لفيروز .. بتعرف انو هو هون موجود معا ..بس وينو ؟؟
بناديلا شام...يتطلع لوراها بتلاقي واقف بقلا: سامحيني شامتي انا بحبك
بتركض شام لعندو وهو بيفتحلا ايديه وبيحملا وبضل يفتل فيا ويقلا بحبك بحبك بحبك بحبك ....
21/9/2017
كتابة:ماريا كلارا منصور
تدوين:يزن السمان

تابع القراءة »

الحب

الحب كإنسان مصاب بجروح كثيرة في جسده.. دائم الالتهاب والحساسية ..فهو يخاف من نسمة الهواء ..أي لمسة بسيطة تحرقه شوقاً ولوعة..هو أنواع
هذا النوع هو الطاغي الرئيسي للحياة على الارض 
 طرفان لا غير ..حب يروي الكثير من الحكايات ابطاله شاب وشابة..قد تكون حكايات موجعة مثل البعد أو تكون مفرحة مثل لقاء الأحبة فهذا الحب يصنف من الأنواع الشديدة الانتشار ولكن يعتبر عيباً أو لا يجوز به لكن هذا خطأ لأن هذا الحب لا يعرف لا سن ولا حدود في التفكير وجماله بأن تضحي بأشياء لديك من أجل شخص يمتلك قلبك فهذا شيء عظيم ولكن الأعظم أن يريك الشخص الآخر بسمته وتقديره في حبه وحب هذه التضحيات الصغيرة ...إن لهذا الحب حكايات كثيرة  فمن أين نبدأ..أجمل حكاياته لقاءاته فعندما يجتمع الطرفان يبدأ الحب في التحليق والطيران بينهما وجمعهما في روح واحدة فكل ما يفعله اي منهم قد يكون من أجل الآخر إنه لشيء جميل أنصح كل مكتئب تجربته كل مريض كل نفسية مريضة كل إنسان لا يعرف معناه ولكن عليه الاختيار الحسن من البداية فإن اخترت الحب لإنسان يقدره ويقدر حبك له قد تكون اخترت الحياة الجميلة إلى جانب النهاية السعيدة ..جميل عندما تكون منهار أن تجد من يقول لك ما دمت معك لا تخف سأحميك من شر هذه الدنية الظالمة هذه الكلمات تعطي طاقة كبيرة لاستكمال الحياة بطريقة جميلة فالحب هو هواء الحياة بدونه نشعر بحر شديد عندما تهب نسمة تنعش الرئتين ينتعش القلب كذلك الحب ينعش القلب والروح ويرد لها هيبتها فلا أحد على وجه هذه الحياة يقدر قيمتك سوا حبيبك أو حبيبتك
كلنا نحتاج وكلنا للخير والحب قائمين ...
كتابة:ماريا كلارا منصور

تابع القراءة »

الصراخ

                        عاد الصراخ من جديد وعاد صداه وعادت معه الدموع والآلام ولكن اختلف السبب
فاليوم السبب هو تركي لروحي وما فيها... روحي التي انا منها...روحي التي لا أقوى على فراقها
10 سنوات كل 9 أشهر منها كنت اترك روحي ابكي واسمع صراخي العالي... اسمع الصراخ فقط ...فقط ... لا شيء غيره...كم أن هذا مؤلم ولكن سأبقى صامدة لأني قد وعدت روحي أن أعود وسأعود اليها مهما طال الزمن ...فهي من حقها أن تفرح وأن اريها بسمتي لا حزني ووجهي العابس أريد أن تبقى صورتي في مخيلتها أنني  سعيدة لأنني وعدتها بالعودة..
تعالوا لأحدثكم عن روحي..
اسمها ما يحبه أهلها... اسمها  "صيدنايا"...صيد الغزالة التي تدعى نايا...الصيد الذي اتقنه ابن 11 عام فيها...
يا غاليتي أن أقدم لكي كل ذهب والماس العالم لن أستطيع أن اوفيكي حقك...انت من اعطيتني اسمي وأصبحت ادعى صيدناوية فمن أين لي أن اوفيكي حقك ..
من جعلتني أتعلق باللون الأزرق لأنه لون سمائك الصافية واللون الأخضر لأنه لون الشجر الأخضر ولون ما أحبه فيكي وما يزينك...
من ولدت لي أناس ازا طلبت مني الموت البيها بدون صوت...
صيدنايا للفرح للحضارة للتسامح للألفة للحب للعطاء عنوان ..
يارب احفظها لي من كل مكروه...
أحبك من كل قلبي
 26/12/2016

تأليف:ماريا كلارا منصور
تدوين:يزن السمان

تابع القراءة »