ويبقى الأمل

في كتير تفاصيل بتخلق بالدنية من جوات شغلات ولا مرة تخيلنا تكون شي مهم..
متل غنية منسمعا باليوم مليون مرة بس لما حدا بغنيلنا ياها بيتغير مفهومنا لكل كلمة فيا.. بصير الحرف بيفرق معنا.. منصير منشوف غير لي كنا نشوفو..

الشي الشائع بيناتنا وبين كل قلوبنا بكل مشاعرنا هو الأغاني مشان هيك هو أكبر دليل فيني وضح في حكيي..
الحكي يلي بتطلعو الأغاني من قلوبنا وقت نسكت وتكون الغنية عم تمر من كل جسمنا بإحساس المطرب لي عم يغنيا.. طبعاً هو مو شرط يكون عايش لي عم يغني.. بس عندو قدرة يغني كل كلمة بشعورا.. كل كلمة بنغمة حزنا او وجعا.. بضحكتا او فرحتا..
عنجد لي بغنوا عندون ميزة كبيرة مو مين ما كان بيمتلكا.. بس في ميزة احلى لما يكون لي عم يغني عايش شعور الغنية بتطلع معو من كل القلب..

وبعد كل قلب غنى بيبقى في أمل انو دايماً تكون الأغاني أحلى ونعيش الحب والجمال والفرح وننسى الحزن والقلق والخوف والقهر❤

ماريا كلارا منصور

تابع القراءة »

22/1/2018

ريتا..
كل المرات لي شفتك فيا و يلي مريتي من قدامي يمكن كان كتير عادي بالنسبة الك وانا اول شي كان عادي بالنسبة الي بس بعدين صار عندي شي جواني انو انا كل يوم عم استنى حدا كرمال اتأكد انو لازم روح عالمدرسة او لا.. عوضتيني عن الشي لي كنت عم استنا كل يوم قبل ما روح عالمدرسة الصبح وما كان يجي... بس ما كنت حاسة بهاد الشي لحتى فقدتو...
كل واحد فينا الو رسالة بهالدنية.. واكيد ما حدا بيعرف رسالة التاني واصلاً مو مطلوب منو يتدخل بغيرو...
بس انا هالمرة بدي احكي شي عن هالفكرة انو بالنسبة الي قدمتيلي احلى رسالة يوم لي سافرتي عالسما... الصبح بهداك اليوم كانت حالتي كتير بشعة بس لما مرقتي واطلعتي فيني نظرتك الي ما كانت عادية كانت عم تحاكيني بكتير قصص كانت عم تقلي مسحي دمعتك لي هلق رح تنزل وما تخليا تكسرك وخليكي قوية وخلي دموعك تقويكي.. كلشي كان غير هداك اليوم... بس كان المجهول الوحيد اسمك.. ولما طلعوا اسماء الشهداء وقريت اسمك ولا كان ببالي تكوني انتي ..آخر توقع تكون البنت لي ماتت هي لي عطتني تفاؤل بهاد اليوم البشع...
بس نيال السما فيكي.. الارض ما بتلبق للناس لي متلك.. الناس لي بنظرة عيشت امل جديد بقلب مكسور..
بوعدك ازا بس نكبر صار عندي بنوتة حلوة متلك بدي سميا ريتا..
ضلي اتشفعيلا وقت تخلق واتشفعيلي بكل الايام..
بحبك ريتا العيد
كل سنة وانتي بقلبي حبك بيكبر يا ملاكي❤
٢٢/١/٢٠١٨💔❤

تابع القراءة »

الليالي الظلماء

جميع تلك الليالي التي باحت باسمك.. كانت تحاول أخذ الإذن مني لكي تطلق عنانها وتبوح في فضائها العميق بالاسم الذي ناداه قلبي بأعلى درجات صوته المبحوح.. حتى تلك الليالي تعبت من خوضها المعارك المألوفة... فهي تزور الليل عند كل ظهور لقمر السماء..
الحديث المطول الذي أحاول فيه شرح حالة المساء.. كعادته انتهت به الحروف إلى تشبيه لك يا شمس النهار..

هل أنا مخطئة عندما صورتك بمشهدين متناقضين؟
أم أن يحق للعاشق ما لا يحق للغير؟

نعم فنحن نغير الأمثال حتى.. نغير بما يتناسب مع حالتنا المجهولة عندما يحلك المساء..
فالمساء صورة أخرى لقلب عاشق يتضور جوعاً للحب..
عاشق يصرخ في عالم فارغ أنا وحيد.. أين الحب الموعود قلبي به؟..

فنرى أن حالته مجهولة بجدارة تامة.. والطبيب المداوي لا وجود له في عالمه الفارغ.. الموجود فقط ..صدى الصراخ المرتد إلى العاشق نفسه ليقول له: ابنِ لنفسك من تلك الصرخات طفلاً كبيراً لا يهاب الحب.. فالحب هو المرض الشافي لحالة كل إنسان ضائع في سماء حلم نجمه اللامع..❤

ماريا كلارا منصور

تابع القراءة »

حضن المطر

حين بكيتَ وأنت في حضنِ ذراعيّ..انتابني شعور غريب..فقد أحسست أن حواسي الخمس قد توقفت عن الإحساس وأن الهواء ما عاد يستطيع العبور إلى صدري فقد أصبحتُ أتنشّق رائحة عطرك الّتي علقت بكل ضلعٍ من أضلاع جسدي الضَّعيف الجائع لحبّك... كانت الحياة مختبئة فيّ وتنام على صدري الذي يحاول تهدئة نبضات قلبه المتسارعة... كان قلبي يرتجف من المطر الذي كان ينهمر من غيمتين تسميان عينيك.. هاتان الغيمتان كانتا تحملان الحب في مختلف الثواني إلا أنهما في ذاك المشهد كانتا تحملان الضّعف والحب معاً..كانتا تطلبان العون من قلبي بالمطر الذي أنزلته عليه...كان ذاك المشهد غايةً في الحزن وفي الوقت ذاته غايةً في الحب والحياة... فبعد أن احتضنته في زوايا قلبي الأربعة ورسخت اسمه على جدرانه فتحول ذلك الشعور الغريب وأصبح الحب مالئاً قلبي وقلبه... وتوقف المطر فجأةً...
وبعدها.. صرخ صرخةً مليئة باليأس ومليئة بثقة الله الكبيرة أنه قادم ليحضر بيننا في تلك الجلسة...
صرخةُ وجعٍ وصلت إلى أبواب السماء المفتوحة عند كل لحظة من الحياة..
بعد ذلك المشهد تأكد لي أن حضن ذراعيّ دائماً مستعداً لأن يشهد المطر...
#ماريا_كلارا_منصور

تابع القراءة »

فلم تعد

علمتنا كلمة الحنين ما لا نعرفه عن ندى الحياة.. عند اللحظة التي يخفق فيها ممر الإحساس الذي خلق في صدرنا إلى جهة لم نخترها نحن - وكأنه يشبه الحب - لتشكل دافعاً للقاء الفرح على وجه الحياة.. تلك الحياة التي نالت منّا بأشد الوسائل..تلك الحياة نفسها تختلف فمثالاً مع اختلاف الوقت كالصباح والمساء ...
فالصرخات المعششة في سماء الحلم تنطلق برحلتها المسائية لتعيش الشعور الأصدق في ممرات عالمها الأبيض.. بياض عالم المساء لا يشبه سواده.. بل كلما اشتد السواد اشتد البياض..
غريب أمر هذا العالم..
فحتى سكانه لا يدعون بشراً بل اتفقوا على اسم يليق بهم أكثر من اسم بشر.. تلك الخطوة التي كانت حدودها المدى فلا حد للمدى ولا حد لهذه الخطوة الشجاعة.. كان اسمهم.. لا شيء ..أي أن ليس لهم اسم إلى الآن...فقط أرادوا التشبه بتلك الخطوة.. فلا حدود للمدى ولا حدود للشجاعة ولا حدود للا شيء... اللاشيء العجيب الذي ينبع منه كل شيء لكن بميزة "دون اسم" فتميزوا على البشر بتلك القوة.. خارقة تلك القوة التي خلقت مثل هذا العالم المدهش..
خلقوا لأنفسهم دستوراً لا يشبه قوانين العالم بل دستور عنوانه وشعاره ومقدساته لها اسم ولأول وآخر مرة...
وهو: الحب..
وفي بداية ذاك الممر ونهاية هذا المطاف..
سمعت وشعرت ورأيت.. أن قلبي.. يرتجف من الحب ..
فسقط ذاك القلب منادياً باسمك حتى تعود إليه..
ماريا كلارا منصور

تابع القراءة »

فراغات الشوق

أبشع شي بالحياة انك تكتشفا.. تكتشف الحياة.. الحياة يلي عم تعيشا..عم تعيشا كل يوم متل لي قبلو..كل يوم معبى حزن اكتر من غيرو..عم تشوف ضحكة لناس ما بتستاهل تضحك..لانو ضحكتا على حساب دمعتك.. تشوف عيون عم تلمع ضحك وعيون عم تلمع من دمعة معباية دم... هاد الدم لي بتصير حرارتو مليون لما يحرقك من جوا.. لما إحساسك يخونو ويصرخ بكل جزء من قلبك.. يصرخ بطريقة غريبة ما حدا بيعرفا غيرك.. هي الصرخة الكل بيسمع صوتا على انها عادية بس الوحيد انت لي بتعرف شو مخبى بفراغاتا.. فراغاتا الصغيرة كتييير كتيرر...
الفراغات يلي رح يجي يوم وتتملى فرح من لي الله رح يغرقك في بيوم من الأيام❤
ماريا كلارا منصور

تابع القراءة »

قياس الحب

الدنية كتير كبيرة فيا المنيح وفيا البشع ...وفيا الوجع اكتر شي....في وجع بيتخبا بين الحروف وبين الكلمات وبين دقات القلب وبالعيون...هاد اكتر وجع بوجع بالعالم كلو...
لما تشوف وجعك ووجع غيرك معبي عيون أشخاص ما الها زنب غير انو يمكن عاشت بفترة غلط عاشت بزمن ما كان لازم تفوت في ...كان موجود زمن تاني بس بابو أسود...
وللأسف نحنا قدامنا الغرفة المعتمة بابا أبيض والغرفة البيضا بابا أسود... قلبنا ضايع بكلشي وين يروح مو عرفان.. في وجع وفي حقد وفي دمار عم يخلقوا جواتنا بدون إرادتنا...ناطرين نشوف البواب بطريقة صح ليتحولوا لفرح... ويمكن ناطرين أشخاص معلقين فينا ليشوفوا فتحات الأمل والحب المفتوحة عم تناديلون بس من بعيد...لانو البعيد هو الأحلى والقريب يلي محاوطين حالنا في عم يحطنا بدوائر وعم ندور فيا حولين حالنا وماعم نلاقي مهرب من الواقع البشع...منرجع للواقع وللخيال ولهلق مستمرين بحكاية الحب...الحب لي خلق من الخيال...والخيال يلي عم يرسم الحقيقة..الحب لي من يوم لي ولد ما مات وازا مات خلص ماعد يعيش...بس هلق هو نايم ونحنا ناطرينو يفيق..بس ازا فاق رح يبطل يحلم بس رح يصير يحول الحلم لحقيقة ومشان هيك لازم يفيق وبدنا نفيقو.... الحب لي نايم وناطر حدا يقلو يلا قوم يلا اتفاءل.... جرعة أمل قد الدنية حطا فيك وكبار كل يوم أكتر من لي بعدو... في كتير شغلات كبيرة بالحياة وأكبر شي هو الحب...الحب يلي بيطلع من القلب لي هو أكبر من الدنية كلا بس بالأخير هو رح يكون ع قياس شخص واحد وبس قد ما كبر وقد ما صغر...
#الحب_أمل_الحياة🖤
ماريا كلارا منصور

تابع القراءة »